სპეციალური ოპერაციების ძალები

 

საწყისი საბრძოლო მომზადების (BCT) კურსი სპეციალური ოპერაციების ძალებისათვის

    2023 წელს, სპეციალური ოპერაცების ძალები, საწყისი საბრძოლო მომზადების (BCT) კურსის გავლას სთავაზობს 18 - დან 35 წლის ჩათვლით სამოქალაქო პირებს, რომლის წარმატებით დასრულების შემდეგ მათ ეძლევათ უნიკალური შესაძლებლობა გაიარონ რეინჯერის, საპარაშუტო მომზადების, სპეციალური დანიშნულების კურსები და გახდნენ სპეციალური ოპერაციების ძალების მებრძოლები.

კურსის მიმოხილვა

   წვრთნებისა და სამხედრო განათლების სარდლობა 2023 წლის დასაწყისში ატარებს საწყისი საბრძოლო მომზადების (BCT) კურსს სპეციალური ოპერაციების ძალებისთვის. 18 დან 35 წლის ასაკის სამოქალაქო პირები, რომლებსაც არ უმსახურიათ თავდაცვის ძალებში, ან დათხოვნილი არიან თავდაცვის ძალებიდან (საკონტრაქტო სამსახურიდან: 4 წელი და მეტი, სავალდებულო სამსახურიდან: 1 წელი და მეტი) გაივლიან საკონტრაქტო სამსახურის საწყისი საბრძოლო მომზადების (BCT) კურსის პროგრამას, რომელიც მოიცავს 8 კვირას. იმისათვის, რომ ჩაირიცხონ BCT-ის კურსზე, მოქალაქეებმა უნდა დარეგისტრირდნენ და გაიარონ სამხედრო სამედიცინო კომისია.                              BCT-ის კურსის წარმატებით დასრულების შემდეგ შერჩეულ კურსანტებს საშუალება ექნებათ გაიარონ რეინჯერის, საპარაშუტო მომზადების, სპეციალური დანიშნულების კურსები და იმსახურონ სპეციალური ოპერაციების ძალებში. პირადი შემადგენლობა, რომელიც ვერ გაივლის (შეწყვიტავს რაიმე მიზეზით) რეინჯერის მომზადების კურსს, დაბრუნდება იმ ქვედანაყოფში სადაც ის იყო დანიშნული თავდაცვის ძალების მასშტაბით (სამსახურის ადგილებში გადანაწილების დროს მაქსიმალურად არის გათვალისწინებული ტერიტორიული პრინციპი საცხოვრებელი ადგილის მიხედვით).

 

• საქართველოს თავდაცვის ძალებში 2011 წლიდან სამხედრო საკონტრაქტო (პროფესიულ) და სამხედრო სავალდებულო სამსახურში გაწვეული პირები, მიიღებიან საწყისი საბრძოლო მომზადების (BCT) კურსის გარეშე.

 

 

   BCT-ის კურსზე მისაღები კანდიდატების ონლაინ რეგისტრაცია წარმოებს ნებისმიერ დროს: 

     MOD.GOV.GE                                                                                                                                                            ONLINEBCT.MOD.GOV.GE          

 

   ასევე, ყოველ სამუშაო დღეს 10:00 საათიდან 17:00 საათამდე, პარასკევს 10:00 საათიდან 12:00 საათამდე ქვემოთ მითითებულ მისამართებზე:                                                                                                                                                                                                                      

1. ქ. თბილისი. ეროვნული გვარდია. გორგასლის ქუჩა N89. T 595 06 03 44; 279 02 00;
2. ქ. გორი. ცხინვალის გზატკეცილი მე-2 კმ. T 591 24 25 30;
3. ქ. თელავი. ეროვნული გვარდიის მე-20 ტერიტორიული თავდაცვის ბრიგადა. თამარის ქუჩა N36. T 591 17 55 03;
4. ქ. სენაკი. II ქვეითი ბრიგადა ცერცვაძის ქუჩა N1 595 80 49 42, 577 39 23 82;
5. ქ. ქუთაისი. ფელიქს ვარლამიშვილის N52. T 591 16 60 70;
6. ქ. ბათუმი. ეროვნული გვარდიის მე-10 ტერიტორიული თავდაცვის ბრიგადა. ადლიის ქუჩა N76. T 577 19 73 05. 591 17 55 14 ;
7. ქ. თბილისი. სპეციალური ოპერაციების ძალები. T 577 39 50 59.

    დამატებით ინფორმაციისთვის დაგვიკავშირდით:

     595 06 03 44;

     2 79 02 00.

 

   რეგისტრაციის შემდეგ, რეკრუტი ინფორმირებული იქნება BCT-ი კურსის გასავლელად სად და როდის უნდა გამოცხადდეს და თან რა უნდა იქონიოს.

 

                            რეინჯერის, საპარაშუტო და სპეციალური დანიშნულების კურსები

    რეინჯერის მომზადების კურსის ხანგრძლივობა შეადგენს 18 კვირას და მისი ჩატარება დაგეგმილია 2023 წელს. 2023 წელს რეინჯერის კურსზე მიიღებიან 18 - 35 წლის ასაკის თავდაცვის ძალების საკონტრაქტო სამსახურის სამხედრო მოსამსახურეები, რომლებიც აკმაყოფილებენ ,,A ვარგისია” კატეგორიას. რეინჯერის მომზადების კურსზე ჩაირიცხებიან ის სამხედრო მოსამსახურეები, რომლებიც დააკმაყოფილებენ სავალდებულო კრიტერიუმებს (კურსის დაწყებამდე კანდიდატებს ჩაუტარდებათ ტესტირება ფიზიკურ მომზადებაში და უნარ-ჩვევებში). რეინჯერის კურსის დასრულების შემდეგ პირადი შემადგენლობა გაივლის საპარაშუტო მომზადების კურსს და მომზადებას გააგრძელებს სპეციალური დანიშნულების კურსზე. წარმატებული კურსანტები გახდებიან რჩეული სპეციალური ოპერაციების ძალების მებრძოლები და ისარგებლებენ მაღალი ანაზღაურებით. მომავალში მათ შესაძლებლობა ექნებათ გაიარონ მებრძოლი მყვინთავის კურსი, სნაიპერთა მომზადების კურსი და პირადი დაცვის კურსები.

 

ანაზღაურება და სოციალური მხარდაჭერა

• საწყისი ხელფასი 1530 ლარიდან (ხელზე ასაღები 1200 ლარიდან);
• BCT კურსის განმავლობაში (2 თვე) ანაზღაურება განისაზღვრება თვეში 500 ლარის ოდენობით;
• რეინჯერის კურსის გავლის შემდეგ დანამატი 250 ლარი;
• რეინჯერის და სპეციალური დანიშნულების კურსის გავლის (სპეცდანიშნულების ჯგუფში დანიშვნის) შემდეგ დანამატი 750 ლარი;
• ოფიცერს 5 წლის და სერჟანტს 8 წლის მსახურის შემდეგ, სპეციალური დანიშნულების კურსის დანამატი (450 ლარი) უნარჩუნდება თავდაცვის ძალების მასშტაბით;
• სამხედრო საკონრტაქტო სამსახურში მყოფი პირის თანამდებობრივი სარგოს რაოდენობა იზრდება წოდების, თანამდებობისა და სამხედრო სტაჟის გათვალისწინებით;
• ერთჯერადი დანამატი პირველი კონტრაქტის დასრულების შემდეგ - 10000 ლარი;
• ერთჯერადი დანამატი მომდევნო კონტრაქტების დასრულების შემდეგ:

    2-წლიანი კონტრაქტისას - 7500 ლარი;

    4-წლიანი კონტრაქტისას - 20000 ლარი;

• სამედიცინო დაზღვევა სამხედრო მოსამსახურისა და მათი ოჯახის წევრებისათვის (მეუღლე, შვილები 22-წლამდე);
• სამხედრო მოსამსახურეთა და მათი ოჯახის წევრების (მეუღლე, შვილი) სწავლის დაფინანსება საქართველოს ავტორიზებულ უმაღლეს სასწავლებელში.
• აკრედიტებულ საბაკალავრო და სამაგისტრო საგანმანათლებლო პროგრამებზე სწავლისას  სამხედრო მოსამსახურეთა და მათი ოჯახის წევრებისთვის, მაღალი აკადემიური მოსწრებისთვის სტიპენდია სემესტრულად 750 ლარის ოდენობით (გადასახადების და საპენსიო შენატანის გარეშე);

 

     სამხედრო მოსამსახურე უზრუნველყოფილი იქნება:

• თანამედროვე აღჭურვილობით;
• მაღალი დონის უფასო სამედიცინო მომსახურებით;
• ოჯახის სოციალური და სამართლებრივი დაცვით.

კონტაქტი: T 577 39 50 59.